بالنسبة للناس اللي تابعوا مسلسل (ونوس) في رمضان 2016 ولسة بيتخانقوا مع بعض بسبب اختلافهم على غواية الشيطان للأنسان..
مبدئيا مافيش حاجة اسمها “أنا لو قابلت الشيطان“.. لأن انت بتقابله بالفعل يوميا.. كل يوم.. دا حتى ممكن يكون قاعد جنبك دلوقتي وانت بتقرا الكلام دا وبيقرا معاك 
بس اعلم ان الشيطان مش محتاج انه يتجسد في صورة انسان عشان يغويك، لأنه ممكن يعمل كدا بمنتهى البساطة واساليبه كتير كتير..
- مش هايسقف بإيده فتسقط عليك فلوس من السما لو هايغويك بالمال، لكن ممكن اوي يزقّ عليك حد يديك رشوة مثلا.. وفلوس كتير صعب انك ترفضها، أو يفتح ليك اي باب زرق حرام ويدخلك فيه ويقفله عليك من برا ويسيبك..
- مش هايجيبلك أوضة مليانة بنات اشكال وألوان لو هايغويك بالنساء، بس ممكن اوي يحلّي شكلك في عينين اي واحدة ويهيأ لقاء منفرد بينكم.. أو يعرّفك سكة مواقع اباحية ودي كتيرة اوي واسهل من الأول بكتير دلوقت..
- هايفتح لك باب شهرة من اي مجال تكون انت بتحبه أو متميز فيه، ولو ندهتك نداهة الشهرة وتملك منك الغرور عندها بيسيبك تكمل مع نفسك وهو متأكد من النهاية..
- مش هايمضيك على عقد انه يمتلك روحك وتبقا عبده هو وحده ومش عارف ايه، لكن ممكن اوي يبعدك بشتى الوسائل عن طريق ربنا.. او يوصّل بيك درجة اليأس انك تنتحر مثلا!.. (100% من حوادث الأنتحار في العالم بتبقا يأس من رحمة الله)
اللي بتصوره الرواية أو العمل الأدبي أو الدرامي دا بيحصل في عالم افتراضي مقارب للعالم الواقعي اللي بنعيشه، لكنه أولا وأخيرا خيال مؤلف مش أكتر، غرضه انك لما تقرا الرواية أو تشاهد الدراما تتعلم منها حاجة تستفيد بها في حياتك مش تقلبها خناق وحلال وحرام ومش عارف ايه… 
One Reply to “أنا لو قابلت الشيطان…”